“Atletiko”nun argentinalı cinah yarımmüdafiəçisi Culiano Simeone bir neçə İngiltərə Premyer Liqa klubunun maraq dairəsinə baxmayaraq, “Atletiko Madrid”dən ayrılmaq niyyətində deyil.
Publika.az xəbər verir ki, bu barədə insayder Ekrem Konur məlumat yayıb.
Yarımmüdafiəçi ilə “Mançester Yunayted”, “Mançester Siti” və “Tottenhem” maraqlanır. Onun bazar dəyəri 40 milyon avro qiymətləndirilir və müqaviləsi 2030-cu ilin yayına qədərdir.
Qeyd etmək lazımdır ki, Simeonenin müqaviləsində 500 milyon funt sterlinqlik sərbəst qalma maddəsi var.
Culiano bu mövsüm La Liqada səkkiz oyunda iştirak edib, iki qol vurub və iki məhsuldar ötürmə edib.
