Türkiyə Prezidenti Rəcəb Tayyib Ərdoğan ümumi türk əlifbasının təşviqi ilə bağlı qərarın türk dövlətlərinin mədəni yaxınlaşması yolunda tarixi addım olduğunu bildirib.
News24.az xəbər verir ki, o, bu barədə Türk Dövlətləri Təşkilatının (TDT) Ankarada keçiriləcək XIII Zirvə görüşü münasibətilə dərc olunan “Türk dünyasının əsri: həmrəylikdən inteqrasiyaya” adlı məqaləsində qeyd edib.
“Ümumi türk əlifbasının təşviqi məsələsində nümayiş etdirilən iradə mədəni yaxınlaşmamız baxımından tarixi addımdır. Təhsil, elm, nəşriyyat və rəqəmsal texnologiyalar sahəsində əməkdaşlıq sayəsində bu istiqamətdə daha da irəli gedəcəyik”, – deyə Ərdoğan vurğulayıb.
