“Rusiya Prezidenti Vladimir Putin yeni düşmən axtarır və bu düşmən Avropa ola bilər”.
Modern.az xəbər verir ki, bunu İtaliyanın Baş naziri Corcia Meloni bildirib.
Onun sözlərinə görə, Putin Ukraynadakı müharibənin gedişindən diqqəti yayındırmaq məqsədilə Avropaya qarşı təxribatçı addımlar atır.
“Putin Avropanı təxribata çəkir, çünki onun Ukraynadakı müharibənin, döyüş meydanındakı vəziyyətin necə inkişaf etdiyindən diqqəti yayındırmağa ehtiyacı var. O, yeni düşmən axtarır və bu yeni düşmən Avropa ola bilər”, – Meloni deyib.
İtaliyanın Baş naziri Avropa ölkələrini ayıq-sayıq olmağa və vəziyyəti diqqətlə izləməyə çağırıb.
“Əlbəttə, biz sayıqlığımızı qorumalı, vəziyyəti izləməli və hazırda gördüyümüz işləri davam etdirməliyik. Lakin düşünmürəm ki, Putinə belə bir üstünlük vermək lazımdır.
Əminəm ki, xüsusilə indiki məqamda soyuqqanlılığımızı qorumalıyıq”, – deyə Meloni vurğulayıb.
