ABŞ-ın Nyu-Meksiko ştatında məhkəmə “Meta” şirkətinin 25 milyard dollar məbləğində cərimə ödəməsinə qərar verib.
Modern.az xəbər verir ki, bu barədə “Reuters” məlumat yayıb.
Qərar şirkətin istifadəçiləri şəxsi məlumatlarının qorunması ilə bağlı yanıltmasına dair məhkəmə işi çərçivəsində qəbul edilib.
İş 2016-cı ildə ABŞ prezident seçkilərində Donald Trampın kampaniyası ilə əməkdaşlıq etmiş “Cambridge Analytica” şirkətinin milyonlarla “Facebook” istifadəçisinin məlumatlarını razılıq olmadan əldə etməsi ilə əlaqədardır.
Məhkəmə əvvəlcə 219 milyard dollardan artıq cərimənin qanunvericiliyə uyğun olduğunu müəyyənləşdirsə də, yekun məbləği 25 milyard dollara endirib.
Nyu-Meksikonun baş prokuroru Raul Torres qərarı texnologiya şirkətlərinin məsuliyyətə cəlb edilməsi baxımından mühüm hadisə adlandırıb.
