Kiyev Əbu-Dabidəki üçtərəfli görüşə hazırlaşır və bunun noyabr ayında mümkün qədər tez keçirilməsinə ümid edir.
Modern.az xəbər verir ki, bu barədə Ukrayna Xarici İşlər Nazirliyinin nümayəndəsi Tıxıy bildirib.
Müzakirələrin əsas mövzuları təhlükəsizlik məsələləri, gərginliyin azaldılması istiqamətində atılacaq addımlar və mümkün təhlükəsizlik zəmanətləri formatları olacaq. Ukrayna bu addımları atmağa hazırdır və Rusiyanın da eyni hazırlığı nümayiş etdirəcəyini gözləyir.
“Biz bu görüşü liderlərin mümkün görüşünə hazırlıq mərhələsi kimi də nəzərdən keçiririk. Hesab edirik ki, ən həssas məsələlərin bir qismi məhz liderlər səviyyəsində müzakirə olunmalıdır”, – deyə Tıxıy bildirib.
Görüşün dəqiq tarixi hələ razılaşdırılır. İlkin ehtimala görə, danışıqlar ABŞ-da keçiriləcək seçkilərdən sonrakı dövrə planlaşdırılır. Rusiya tərəfi də məhz bu müddətin seçilməsində israr edib.
Danışıqların təşkili və keçiriləcəyi yerə Yaxın Şərqdəki vəziyyət də təsir göstərir.
