.jpg)
İngiltərə Liqa Kubokunda "Liverpul" və "Çelsi" komandaları arasında keçirilən 1/8 final qarşılaşmasının taleyi penaltilər seriyasında həll olunub.
Milli.Az xəbər verir ki, gərgin mübarizə şəraitində keçən görüşün əsas vaxtı 1:1 hesabı ilə yekunlaşıb. "Çelsi"nin heyətində Morqan Rocers 40-cı dəqiqədə penalti zərbəsini dəqiq yerinə yetirərək komandasını önə keçirib. "Liverpul" isə üç dəqiqə sonra Kodi Qakponun qolu ilə hesabı bərabərləşdirib.
Qalibi müəyyənləşdirmək üçün keçirilən penaltilər seriyasında "Liverpul" rəqibindən daha dəqiq olub. Mersisayd təmsilçisi 6:5 hesablı qələbə sayəsində turnirin 1/4 final mərhələsinə vəsiqə əldə edib.
Növbəti mərhələdə "Liverpul"un qarşılaşacağı komanda püşkatmadan sonra bəlli olacaq. Artıq "Mançester Siti", "Bredford Siti", "Bornmut", "Kristal Pelas", "Sanderlend", "Arsenal" və "Flitvud Taun" da 1/4 finala yüksəlib. "Everton" - "Nyukasl" oyunu isə oktyabrın 29-da keçiriləcək.
Müəllif: Tural Hüseyn (Milli.Az redaktor)
