Ukrayna Silahlı Qüvvələri Rusiya ərazisindəki strateji hərbi obyektə uğurlu zərbə endirib. Nəticədə Rusiya ordusunun bombardmançı təyyarələri sıradan çıxarılıb.
KONKRET.az xəbər verir ki, Ukrayna Hərbi Dəniz Qüvvələrinin məlumatına görө, Volqoqrad vilayətində yerləşən Marinovka aviabazasına “Uzun mənzilli Neptun” raketi ilə zərbə endirilib. Hücum nəticəsində 11-ci qarışıq aviasiya alayına məxsus iki ədəd “Su-34” tipli döyüş təyyarəsi tamamilə məhv edilib.
Qeyd olunub ki, “Su-34″lər Rusiya ordusunun Ukrayna şəhərlərinə və hərbi mövqelərinə qarşı intensiv şəkildə istifadə etdiyi idarəolunan aviabombaların əsas daşıyıcılarından biridir. Bu itki Rusiya Hərbi-Kosmik Qüvvələri üçün ciddi zərbə hesab olunur.
Natiq Səlim
KONKRET.az
