Almaniyanın səhiyyə naziri Karsten Linnemann Avropa İttifaqı (Aİ) ölkələrini mümkün müharibə şəraitində yarana biləcək böhranlara hazırlaşmağa çağırıb.
Globalinfo.az xəbər verir ki, bu barədə “Rapporteur” portalı məlumat yayıb.
“Acı həqiqət odur ki, biz səhiyyə sistemlərimizi müharibə ilə əlaqəli böhranlara hazırlamalıyıq”, – deyə Linnemann Berlində keçirilən Ümumdünya Səhiyyə Konfransında bildirib.
O, hazırda səhiyyə siyasətinin təhlükəsizlik siyasətinin tərkib hissəsi olduğunu vurğulayıb.
Nazir əlavə edib ki, Avropa İttifaqına üzv ölkələr səhiyyə sistemlərini və əhalini potensial təhlükələrə hazırlamaq üçün Ukraynadakı münaqişədən dərs çıxarmalıdırlar.
Linnemann, həmçinin Almaniya hökumətinin səhiyyə sahəsində təchizat zəncirlərinin gücləndirilməsi, tibbi personalın daha yaxşı hazırlanması, informasiya-kommunikasiya sistemlərinin qorunması və sərhədlərarası əməkdaşlığın qurulmasını nəzərdə tutan qanun layihəsi hazırladığını xatırladıb.
Qeyd edək ki, daha əvvəl Almaniyanın yenidən silahlanmasının Avropadakı qonşu ölkələrdə narahatlıq yaratdığı bildirilmişdi.
Günay Rəsulqızı
Globalinfo.az
