“Sabah” basketbol klubu FIBA Çempionlar Liqasının A qrupunun III turunda mövsümdəki ilk qələbəsini qazanıb.
Futbolpress.az xəbər verir ki, Bakıda, Milli Gimnastika Arenasında keçirilən görüşdə Azərbaycan çempionu Fransanın “Nanter 92” komandasını 87:80 (23:21, 26:19, 20:22, 18:18) hesabı ilə üstələyib.
Sona yaxın rəqib fərqi 3 xala qədər endirsə də, həlledici cərimə atışlarını dəqiq yerinə yetirən meydan sahibləri üstünlüyü əldən verməyiblər.
Bu qələbə ilə məğlubiyyət seriyasına son qoyan Bakı təmsilçisinin hesabında üç turdan sonra bir qələbə və iki məğlubiyyət var.
