Fransanın PSJ klubu UEFA Çempionlar Liqasının əsas mərhələsinin II turu çərçivəsində keçiriləcək “Mançester Siti” ilə prinsipial qarşılaşma öncəsi heyətini müəyyələnləşdirib.
Futbolpress.az xəbər verir ki, “Maisfutebol” nəşrinin yaydığı məlumata görə, Paris təmsilçisinin portuqaliyalı müdafiəçisi Nunu Mendeş İngiltərədəki oyunun iştirak ərizəsinə daxil edilib. UEFA Millətlər Liqası matçlarından sonra verilən istirahət müddətini başa vuran cinah oyunçusu komandaya qoşulub.
Nunu Mendeşlə yanaşı, oxşar səbəbdən dincələn fransalı hücumçu Usman Dembele də baş məşqçi Luis Enrikenin Çempionlar Liqası üçün formalaşdırdığı iştirakçı siyahısında yer alıb. Eyni zamanda, Fransa Liqa 1-in son turunda “Le Man” üzərində qazanılan qələbədə meydanda olan Vitinya və Joau Neveş də Mançesterə yollanacaq heyətə dəvət ediliblər.
“Mançester Siti” – PSJ qarşılaşması oktyabrın 14-də İngiltərədə keçiriləcək. Hakimin start fiti Bakı vaxtı ilə saat 23:00-da səslənəcək.
