“Neftçi” basketbol klubunun FIBA Avropa Kubokunun qrup mərhələsindəki uğursuz seriyası davam edir.
Futbolpress.az xəbər verir ki, H qrupunun IV turu çərçivəsində Bakı İdman Sarayında Rumıniyanın “Oradea” komandasını qəbul edən paytaxt təmsilçisi növbəti məğlubiyyətlə üzləşib. Görüş qonaqların 99:83 hesablı üstünlüyü ilə yekunlaşıb.
Bu nəticədən sonra qrupda keçirdiyi dördüncü matçdan da məğlub ayrılan “ağ-qaralar” 4 xalla turnir cədvəlinin dibində qərarlaşıblar.
Bakılılar bunadək keçirdikləri qarşılaşmalarda İsveçrənin “Fribur Olimpik” (73:78), Yunanıstanın “Mikonos” (58:78) və Latviyanın VEF (94:110) klublarına uduzmuşdular.
