Fransa Liqa 1-də IX turun növbəti oyunları başa çatıb.
Futbolpress.az xəbər verir ki, günün ən böyükhesablı qələbəsinə “Strasburq” imza atıb. Meydan sahibləri öz azarkeşləri önündə “Oser”i 5:1 hesabı ilə darmadağın ediblər. Qaliblərin heyətində Jessim Yassin dubl edib, Dario Essuqo, Marsial Qodo və Konrad Harder hərəyə də bir dəfə fərqləniblər.
Günün əsas sensasiyası isə “Paris” – “Monako” matçında yaşanıb. Paytaxt təmsilçisi iddialı rəqibini 3:1 hesabı ilə üstələməyi bacarıb. Meydan sahiblərində Lassin Sinayoko dubla imza atıb, Pablo Pajis isə son nöqtəni qoyub.
“Marsel” öz evində “Tuluza”nı matçın 1-ci dəqiqəsində Amin Harit və 25-ci dəqiqəsində Amin Quirinin vurduğu qollarla 2:0 məğlub edib. “Lion” da eyni hesabla Anje”dən üstün olub.
Qeydə alınan nəticələr:
Fransa Liqa 1
IX tur
Strasburq – Oser 5:1
Qollar: Dario Essuqo, 41, Marsial Qodo, 55, Konrad Harder, 62 (pen.), Jessim Yassin, 77, 85 – Kameron Arçer, 68
Lion – Anje 2:0
Qollar: Ernest Nuama, 38, Korenten Tolisso, 86
Paris FK – Monako 3:1
Qollar: Lassin Sinayoko, 38, 44, Pablo Pajis, 74 – Folarin Baloqan, 65
Marsel – Tuluza 2:0
Qollar: Amin Harit, 1, Amin Quiri, 25
