Azərbaycanın sərbəst güləşçisi İslam Bazarqanov Qazaxıstanın paytaxtı Astanada təşkil olunan dünya çempionatında mübarizəni medalsız yekunlaşdırıb.
Futbolpress.az xəbər verir ki, 57 kq çəki dərəcəsində ölkəmizi təmsil edən idmançı bürünc medal uğrunda görüşdə rusiyalı Abubakar Mutaliyevlə qarşılaşıb. Gərgin keçən mübarizə rəqibin 6:2 hesablı qələbəsi ilə başa çatıb və Bazarqanov fəxri kürsüyə qalxmaq şansını əldən verib.
Xatırladaq ki, sərbəst güləş millimizin digər üzvü Cəbrayıl Hacıyev də Astanadakı dünya çempionatını mükafatsız başa vurmuşdu.
Hazırda Azərbaycan yığmasının hesabında 2 qızıl, 2 gümüş və 1 bürünc olmaqla ümumilikdə 5 medal var.
