Samsung şirkəti 2022-ci ildə satışa çıxardığı “Galaxy A04s” və “Galaxy A23 5G” smartfonları üçün müntəzəm proqram təminatı və təhlükəsizlik yeniləmələrini dayandırıb.
Editor.az xəbər verir ki, bu barədə “Lent.az” məlumat yayıb.
Məlumata görə, şirkət hər iki modeli təhlükəsizlik yeniləmələri alan cihazların siyahısından çıxarıb. Bu qərarla həmin smartfonlar üçün yeni təhlükəsizlik yeniləmələrinin və proqram yeniliklərinin təqdim edilməsi dayandırılıb.
Dəstəyin başa çatması istifadəçilərin telefonlarından dərhal istifadə edə bilməyəcəkləri demək deyil. Bununla belə, gələcəkdə aşkar edilə biləcək təhlükəsizlik boşluqlarının aradan qaldırılmaması şəxsi məlumatların qorunması baxımından risk yarada bilər.
İstifadəçilərə məlumatlarının təhlükəsizliyini nəzərə alaraq daha yeni smartfon modellərinə keçmək imkanını qiymətləndirmək tövsiyə olunur.
