Peruda Hitler Mussolini Flores adlı namizəd Keropalka adlı kiçik şəhərin mer seçkilərində səslərin 34,54%-ni qazanıb.
AZXEBER.COM musavat.com-a istinadən bildirir ki, siyasətçi 20-ci əsrin iki diktatorunun adını daşıyır.
Hitler Mussolini Flores korrupsiyaya qarşı mübarizəni və səhiyyə xidmətlərinə universal çıxışı təşviq edən solçu "Ahora Nación" partiyasından namizədliyini irəli sürüb. Medianın məlumatına görə, o, qeyri-adi adını doğulduğu zaman valideynlərindən alıb.
Oxşar hallar Peruda əvvəllər də baş verib. 2018-ci ildə Hitler Alba adlı namizəd kiçik Yunqar şəhərinin mer seçkilərində qalib gəlib. Kampaniya zamanı o, "Mən yaxşı Hitlerəm" şüarından istifadə edib.
O dövrdə onun rəqibləri arasında Lennin adlı namizəd də var idi. Alba özü izah edib ki, valideynləri ona Hitler adını nasist diktatorunun tarixindən xəbərsiz olduqları üçün veriblər.
