“Liverpul” İstanbul səfərinə itki ilə yollanır

“Liverpul”un yarımmüdafiəçisi Rayan Qravenberx Çempionlar Liqasının Liqa mərhələsində “Fənərbağça” ilə oyunu buraxacaq.

Bizim.Media xəbər verir ki, klubun məlumatına görə, 24 yaşlı niderlandlı futbolçu dabanından zədələndiyi üçün İstanbul səfərinə aparılan heyətə daxil edilməyib. O, müalicəsini davam etdirmək üçün klubun məşq bazasında qalacaq.

Qeyd edək ki, Ceremi Frimponq, Konor Bredli və Covanni Leoni də zədə səbəbindən komandasına kömək edə bilməyəcək.

Xatırladaq ki, “Fənərbağça” - “Liverpul” görüşü noyabrın 4-də keçiriləcək.

Bizim.Media