Baş məşqçi onun milliyə getməsinə razı deyil

“Sanderlend”in baş məşqçisi Regis Le Bris Niderland millisinin Brayan Brobbeyi qarşıdakı beynəlxalq fasilədə yığmaya dəvət etməməsinə ümid edir.

Bizim.Media xəbər verir ki, "Goal" nəşrinin məlumatına görə, fransalı mütəxəssis hücumçunun fiziki vəziyyətinin hələ tam bərpa olunmadığını bildirib.

Brobbey əvvəlki beynəlxalq fasilədə Almaniya ilə oyunda (1:1) bud əzələsindən zədə alıb. O, ötən bazar günü klubunun heyətində ilk matçına çıxıb.

“Yenidən zədələnsə, bu, həm Niderland millisi, həm də bizim üçün problem olacaq. Buna görə də yığmanın baş məşqçisi ilə danışacağam. Brobbey optimal formasına yaxındır, amma hələ tam matç keçirməyə hazır deyil. Fiziki vəziyyətinin 80-90 faiz olduğunu düşünürəm”, - deyə Le Bris bildirib.

Qeyd edək ki, Niderland millisi noyabrın 13-də Yunanıstan, üç gün sonra isə Almaniya ilə qarşılaşacaq.

Bizim.Media