ABŞ Federal Ehtiyat Sisteminin İdarə Heyətinin üzvü Kristofer Uoller inflyasiyanı 2%-lik hədəfə qaytarmaq üçün əlavə faiz artımlarına ehtiyac yarana biləcəyini bildirib.
Banker.az “Bloomberg”ə istinadən xəbər verir ki, Uollerin sözlərinə görə, tənzimləyicinin faizləri mütləq ardıcıl iki iclasda artırmasına ehtiyac yoxdur və qərarların vaxtı iqtisadi məlumatlardan asılı olaraq dəyişə bilər.
O bildirib ki, inflyasiyanın yenidən sürətlənməsi narahatlıq doğurur. Bununla belə, Uoller daha sərt pul siyasətinin ABŞ iqtisadiyyatında dağıdıcı zəifləməyə səbəb olacağını düşünmür.
FED-in sentyabr proqnozları göstərib ki, rəsmilərin median gözləntisi ilin sonuna qədər daha bir faiz artımını nəzərdə tutur.
Uollerin açıqlamaları FED daxilində əlavə sərtləşmənin mümkün olaraq qaldığını, lakin onun tempinin əvvəlcədən müəyyən edilmədiyini göstərir.
