Rusiyanın paytaxtı Moskva istiqamətində oktyabrın 29-dan 30-na keçən gecə kütləvi pilotsuz uçuş aparatları (PUA) hücumu qeydə alınıb.
BAKU.WS xəbər verir ki, Moskva meri Sergey Sobyaninin açıqlamasına görə, oktyabrın 29-u saat 20:30-dan oktyabrın 30-u saat 07:30-dək Moskva istiqamətində ümumilikdə 862 PUA hərəkət edib.
Mer bildirib ki, onların əksəriyyəti şəhərdən uzaq məsafədə zərərsizləşdirilib. Moskva ətrafında isə 170 PUA-nın qarşısı alınıb.
Qeyd edək ki, oktyabrın 29-na keçən gecə də Moskva istiqamətində genişmiqyaslı PUA hücumu qeydə alınmışdı. Həmin vaxt 613 pilotsuz aparatın vurulduğu bildirilmişdi.
