Arıqlama iynələri, cavanlaşma əlavələri və internetdə satılan saxta dərmanların nəzarətsiz istifadəsi ciddi fəsadlara yol aça bilər.
AZXEBER.COM xarici mətbuata istinadən xəbər verir ki, xüsusilə arıqlama məqsədilə istifadə olunan GLP-1 preparatları həkim nəzarəti olmadan qəbul edildikdə pankreatit, öd kisəsi problemləri və əzələ itkisinə səbəb ola bilər.
Cavanlaşma vəd edən vitamin və bitki tərkibli əlavələr də qaraciyər və böyrəklərə zərər verə bilər. Sosial şəbəkələrdə yayılan bu cür məhsulların bir çoxunun effektivliyi elmi cəhətdən sübut edilməyib.
Digər təhlükə isə süni intellektdən tibbi məsləhət alaraq özbaşına dərman qəbul etməkdir. Çatbotların yanlış dozalar və dərman təsirləri barədə məlumat verməsi ciddi nəticələr doğura bilər.
Mütəxəssislər dərmanların yalnız həkim məsləhəti ilə qəbul edilməsini, saxta və mənşəyi bilinməyən məhsullardan uzaq durmağı tövsiyə edirlər. Gülay
