Fransalı futbol ulduzu Kilian Mbappe ilə Çin arasında qalmaqal yaşanır.
AZXEBER.COM xarici mediaya istinadən xəbər verir ki, futbolçunun Çinin keçmiş lideri Mao Zedunqla bağlı internet memi haqqında dediyi sözlər ölkədə ciddi narazılığa səbəb olub.
Məlumata görə, Mbappenin üzünün Mao Zedunqun bədəninə yerləşdirildiyi görüntü barədə danışarkən işlətdiyi ifadələr Çində təhqiredici qəbul edilib.
Hadisədən sonra bir neçə Çin şirkəti futbolçu ilə əməkdaşlığı dayandırıb, onun reklamlarını yayımdan çıxarıb.
Çin dövlət televiziyasının da İspaniya çempionatının oyunlarının yayımını dayandırdığı bildirilib.
Yaranmış vəziyyətlə bağlı Mbappe oktyabrın 27-də açıqlama yayaraq sözlərinin düşünülməmiş olduğunu və Çindəki insanları incitdiyini anladığını bildirib. O, baş verənlərə görə üzr istəyib.
Oktyabrın 28-də isə onun çıxış etdiyi "Real Madrid” klubu da Çin xalqından üzr istəyib.
Qeyd edək ki, Mao Zedunq Çin tarixinin ən mühüm siyasi fiqurlarından biri hesab olunur. Onunla bağlı zarafatlar və internet memləri ölkədə həssas məsələ sayılır. Hadisə beynəlxalq idmanda ulduz futbolçuların açıqlamalarının kommersiya tərəfdaşlıqlarına necə təsir edə biləcəyini bir daha gündəmə gətirib.
