Ukraynanın maliyyə çatışmazlığı səbəbindən ilin sonuna qədər daha 3,5 milyard avroya ehtiyacı var.
Axar.az xəbər verir ki, bu barədə Ukrayna Prezidenti Vladimir Zelenski Norveçdə jurnalistlərlə söhbəti zamanı deyib.
"Bu il bütün problemli, bütün kəsir məsələlərini həll etməyimiz vacibdir. Qalan kəsir 3,5 milyard avro və ya 4,1 milyard dollardır", - deyə o bildirib.
Zelenskinin sözlərinə görə, Ukraynaya maliyyə dəstəyi məsələsi Norveçdən olan nümayəndələrlə görüşdə müzakirə olunub. Zelenski beynəlxalq tərəfdaşların Kiyevə kömək edəcəyinə ümid etdiyini söyləyib.
