“Fənərbaxça”nın köməkçi məşqçisi Dirk Kuyt klubdakı gələcəyi ilə bağlı açıqlama verib.
Apasport.az xəbər verir ki, niderlandlı mütəxəssis İstanbul təmsilçisində fəaliyyətini davam etdirmək istədiyini bildirib.
“Prezident mənim burada qalmağımı istədiyi və Emre Belözoğlu da buna razı olduğu müddətdə fəaliyyətimi davam etdirəcəyəm. Klub üçün ən vacib olan nədirsə, onu etməliyik.
Əlbəttə, burada qalmaq istəyirəm. “Fənərbaxça”nı çox sevirəm. Amma klub üçün ən doğru qərarı verməliyik. Əsas məsələ “Fənərbaxça”nın bundan sonra da irəliyə doğru addımlamasıdır”.
Xatırladaq ki, Dirk Kuyt İsmail Kartalın ayrılığından sonra “Fənərbaxça”nın müvəqqəti baş məşqçisi təyin olunmuşdu. Klubun baş məşqçi postuna isə Emre Belözoğlu gətirilib.
Qeyd edək ki, İstanbul təmsilçisi Dirk Kuytun rəhbərliyi altında UEFA Çempionlar Liqasının Liqa mərhələsinin IV turunda “Liverpul”u 3:2 hesabı ilə məğlub edib.
