Azərbaycanın futzal üzrə çempionu “Araz-Naxçıvan” UEFA Çempionlar Liqasının 2026/2027 mövsümündə ilk qələbəsini qazanıb.
Apasport.az xəbər verir ki, Polşanın “Prezero Arena” kompleksində təşkil olunan qarşılaşmada təmsilçimiz Macarıstanın “Uypeşt” klubu ilə üz-üzə gəlib.
Gərgin mübarizə şəraitində keçən görüş komandamızın 5:4 hesablı üstünlüyü ilə yekunlaşıb. “Qırmızı-ağlar”ın heyətində Oktay Rüstəmli het-triklə yadda qalıb. Komandanın digər qollarına isə Fərid Ələkbərov və Kənan Manafov imza atıblar.
Çempionlar Liqasında mübarizəsini davam etdirən naxçıvanlılar növbəti matçını sabah Bosniya və Herseqovinanın “Buba Mara” kollektivinə qarşı keçirəcək. Qarşılaşmanın start düdüyü Bakı vaxtı ilə saat 17:30-da çalınacaq.
