İranlı səyyah: Qarabağ və Şərqi Zəngəzur turizm üçün böyük potensiala malikdir
Şuşa çox gözəldir, çox maraqlıdır.
APA xəbər verir ki, bunu Qarabağ və Şərqi Zəngəzura səfər edən İrandan olan səyyah Nima Beni deyib.
Şuşada yeni binaların inşa olunduğuna diqqət çəkən səyyahın sözlərinə görə, azad edilmiş ərazilərə daha çox turist gəlməlidir.
“Çünki buralar turizm üçün böyük potensiala malikdir. Ümid edirəm ki, yaxın gələcəkdə daha çox insan buralara gələcək, Azərbaycan mədəniyyəti ilə, Şuşa, Xankəndi və bütün bu ərazilərlə yaxından tanış olacaqlar”, - iranlı səyyah vurğulayıb.
