İranın keçmiş yol naziri (2013-2018) Abbas Axundi sui-qəsdə məruz qalmasına dair post yazıb.
"Yeni Sabah" xəbər verir ki, o ilk dəfə 40 il əvvəl"Mücahidin-e Xəlq" qruplaşmasının terroruna məruz qaldığını bildirib.
"Adı məlum olmayan yeni bir qrup məni hədəfə aldı. Amma yenə də Allahın iradəsi bu idi ki, bu sui-qəsdin qarşısı alınsın. Və bir daha Allah mənə yaşamaq şansı verdi. Gəlin görək bu əlavə vaxtda İran üçün nə edəcəyik və axirət üçün hansı tədbirləri görəcəyik", - deyə o qeyd edib. pizza hut
Xatırlatma: oktyabrın 14-də keçmiş yol və şəhərsalma naziri Abbas Axundi silahlı şəxslərin hücumuna məruz qalıb. Təhlükəsizlik qüvvələri və polisin müdaxiləsi ilə təcavüzkar həbs olunub. Həbs olunan şəxs bəzi fiqurları fiziki olaraq aradan qaldırmaq istəyən 5 və ya 6 nəfərlik qrupun üzvü olduğunu bildirib.
Hadisə A.Axundinin "Qlobal keçidlər, dəyər zəncirləri və İranın inkişaf memarlığı" mövzusunda çıxışndan sonra baş verib.
