KTMT dövlət başçıları noyabrın 11-də Ermənistanın quruma üzvlüyü məsələsini nəzərdən keçirə bilərlər.
"Yeni Sabah" TASS-a istinadla xəbər verir ki, bunu KTMT-nin baş katibi Taatbek Masadıkov bildirib.
"Ermənistan bunu müzakirə etmir. Onlar iştirak etmirlər. Lakin Ermənistan nümayəndəsi KTMT üzv dövlətlərinin daimi nümayəndələrini bir araya gətirən Daimi Şuranın həftəlik iclaslarında iştirak edir", - Masadıkov bildirib. Dördpendirli pizza
Baş katibin sözlərinə görə, İrəvanın təşkilatdan çıxması məsələsi Kollektiv Təhlükəsizlik Şurasının iclasında qaldırıla bilər. Belə bir təklifi, adətən, KTMT sədri və ya digər üzv dövlət irəli sürür.
Masadıkov KTMT Nizamnaməsinin 25-ci maddəsinə istinad edib. O qeyd edib ki, onun müddəaları, xüsusən də üzvlük haqlarının ödənilməməsi və kvota vəzifələrinin doldurulmaması ilə bağlıdır ki, bu da səsvermə hüquqlarının olmaması demək ola bilər.
Baş katib əvvəllər qeyd etmişdi ki, Ermənistan artıq faktiki olaraq KTMT-dən çıxıb. O bildirib ki, təşkilat sənədləri daxili təsdiq üçün təqdim edir, o cümlədən Ermənistana. Lakin Yerevan hər bir sorğuya cavab olaraq Ermənistan tərəfinin müzakirələrdə və qərar qəbuletmədə iştirak etmədiyini, lakin onların məhdud formatda qəbul edilməsinə etiraz etmədiyini bildirir.
