ABŞ Prezidenti Donald Tramp Rusiya ilə Ukrayna məsələsi üzrə fəal danışıqlar apardıqlarını və bu prosesi yarımçıq dayandırmaq niyyətində olmadığını bildirib.
Yenicag.az xəbər verir ki, Tramp bu barədə Ağ Evin Cənub çəmənliyində jurnalistlərin suallarını cavablandırarkən danışıb.
“Əlbəttə, biz Vladimir Putinlə Ukrayna üzrə danışıqlar aparırıq. Mən danışıqları yarımçıq dayandırmayacağam”, – deyə o bildirib.
Amerika lideri danışıqların uğur şanslarını təhlükəyə atmamaq üçün hazırda Moskvaya qarşı yeni məhdudlaşdırıcı tədbirlər tətbiq etməyi düşünmədiyini qeyd edib.
