Bakı. Trend:
Serbiyanın keçmiş Prezidenti Aleksandar Vuçiç rəhbərlik etdiyi “Birləşmiş Serbiya” seçki siyahısının parlament seçkilərində məğlub olduğunu bəyan edib.
Bu barədə “Euronews Serbia” məlumat yayıb.
Vuçiç bildirib ki, ilkin hesablamalara görə, tələbə hərəkatını
təmsil edən siyahı parlamentdə 135–140 mandat qazana bilər, onun
rəhbərlik etdiyi siyahı isə təxminən 105 mandat əldə edə bilər.
Seçkilərin yekun nəticələri hələ açıqlanmayıb.
Xatırladaq ki, Aleksandar Vuçiç Serbiyanın siyasi həyatında uzun
müddət aparıcı rol oynayıb. O, 2014–2017-ci illərdə baş nazir,
2017-ci ildən isə ölkə prezidenti vəzifəsində çalışıb. 2026-cı il
sentyabrın 27-də prezident vəzifəsindən istefa verib. Bu addım onun
oktyabrın 25-də keçirilən növbədənkənar parlament seçkilərində
rəhbərlik etdiyi siyahı ilə iştirak etməsinə yol açıb.
Serbiyada hakimiyyətə qarşı etirazlar 2024-cü ilin noyabrında
Novi-Sad şəhərində dəmiryol vağzalının örtüyünün uçması və 16
nəfərin həlak olmasından sonra güclənib. Etirazçılar faciəyə görə
məsuliyyətin müəyyənləşdirilməsini, korrupsiya ilə mübarizəni və
dövlət qurumlarının hesabatlılığının artırılmasını tələb ediblər.
Vuçiçin hakimiyyəti isə korrupsiya və idarəçiliklə bağlı
ittihamları rədd edib.
