Bakı.Trend:
Qazaxıstanın Milli Bankı əsas uçot dərəcəsini illik 16,25 faizdən 15,75 faizə endirmək qərarına gəlib.
Bu barədə tənzimləyici qurumun mətbuat xidməti məlumat yayıb.
“Qazaxıstan Respublikası Milli Bankının Pul-Kredit Siyasəti Komitəsi əsas uçot dərəcəsinin illik 15,75 faiz, müsbət və mənfi 1 faiz bəndi diapazonunda müəyyən edilməsi barədə qərar qəbul edib”, – məlumatda bildirilib.
Xatırladaq ki, sentyabrın 4-də Milli Bank əsas uçot dərəcəsini illik 16,75 faizdən 16,25 faizə endirmək barədə qərar qəbul etmişdi.
