Bakı.Trend:
Qazaxıstan Xarici İşlər Nazirliyi respublikada Azərbaycan əsilli rusiyalı reper “Navai”nin (Nəvai Bəkirov ) həbsi ilə əlaqədar Rusiya tərəfinin notasını aldığını təsdiqləyib və hüquq-mühafizə orqanlarına müvafiq sorğu göndərəcək.
Bu barədə TASS-a Qazaxıstanın Xarici İşlər Nazirliyindən məlumat verilib.
“XİN-ə Rusiya Federasiyasının saxlanılan vətəndaşları və onların olduğu yer barədə məlumat verilməsi xahişi ilə Rusiya tərəfinin notası daxil olub. Bu, konsulluq işində standart təcrübədir. Qazaxıstan Respublikasının hüquq-mühafizə orqanlarına müvafiq sorğu göndəriləcək”, – deyə nazirlikdən bildirilib.
Bundan əvvəl Rusiyanın Almatıdakı Baş Konsulluğundan TASS-a verilən məlumata görə, diplomatik nümayəndəlik Rusiya vətəndaşı ilə bağlı vəziyyətə dair rəsmi şərh verilməsi xahişi ilə Qazaxıstan Xarici İşlər Nazirliyinin nümayəndəliyinə nota göndərib. “Baş Konsulluq vəziyyəti izləyir”, – deyə diplomatik nümayəndəlikdən qeyd olunub.
Qeyd edək ki, bir neçə gün əvvəl “Navai” Qazaxıstanın “Korday” sərhəd-keçid məntəqəsində narkotik vasitələrin qaçaqmalçılığında şübhəli bilinərək saxlanılıb və müayinə zamanı müğənninin qanında qadağan olunmuş maddələr aşkarlanıb. Ötən gün isə Qazaxıstan məhkəməsi onun barəsində 2 aylıq həbs qətimkan tədbiri seçib.
