Bakı. Trend:
Nepalın şərqində yerləşən Solukhumbu bölgəsində iki helikopterin toqquşması nəticəsində bir əcnəbi həlak olub, daha bir sərnişin yaralanıb.
Hadisə Air Dynasty və Fishtail Air şirkətlərinə məxsus helikopterlərin enişi zamanı baş verib.
Həlak olan əcnəbinin şəxsiyyəti hələlik müəyyən edilməyib. Yaralı sərnişin helikopterlə xəstəxanaya çatdırılıb.
Zərərçəkənin, eləcə də hər iki helikopterin digər sərnişinlərinin və ekipaj üzvlərinin vəziyyəti barədə ətraflı məlumat verilməyib.
Hadisənin səbəbi hələlik məlum deyil. Polis qəza ilə bağlı araşdırma aparır və əlavə məlumat toplayır.
