Bakı.Trend:
İsrail rəhbərliyi oktyabrın 27-nə təyin edilmiş parlament seçkilərinədək İrana qarşı hərbi əməliyyatları bərpa etməyi planlaşdırmır.
"Times of Israel" in məlumatına görə, bu barədə İsrailin Baş naziri Benyamin Netanyahu bildirib.
“Fikrimcə, bu bizim üçün əlverişli deyil”, – deyə Netanyahu bildirib.
Bundan əvvəl “Axios” nəşri mənbələrə istinadən Netanyahunun və ABŞ Prezidenti Donald Trampın ötən həftə telefon danışığı zamanı hər iki ölkədə keçiriləcək seçkilərdən əvvəl İrana qarşı yeni genişmiqyaslı əməliyyatın keçirilməsi imkanını müzakirə etdiklərini bildirmişdi.
Nəşrin məlumatına görə, telefon danışığı ABŞ prezidentinin noyabrda Konqresə keçiriləcək seçkilərədək İrana zərbələr endirmək planının olmadığını bəyan etməsindən əvvəl baş tutmuşdu.
