Bakı.Trend:
Ermənistanda polis əməkdaşları atəşə tutulub.
Ermənistan KİV-nin yazdığına görə, Ermənistanın Kotay vilayətində yol patrul polisi yol hərəkəti qaydalarını pozan “Hyundai” markalı avtomobil aşkar edərək sürücüdən dayanmasını tələb ediblər.
Buna cavab olaraq avtomobildən atəş açılıb və nəticədə iki polis əməkdaşı yaralanıb.
Daha sonra avtomobil aşkar edilib. Sərxoş vəziyyətdə olan sürücü və sərnişin saxlanılıb.
Yaralanan polis əməkdaşları xəstəxanaya çatdırılıb. Polisin məlumatına görə, onların həyatları üçün təhlükə yoxdur.
Faktla bağlı araşdırma aparılır.
