Bakı. Trend:
Avropa ölkələrində immiqrasiya ilə bağlı ciddi problemlər müşahidə olunur.
Bu barədə ABŞ prezidenti Donald Tramp Missisipi ştatından Vaşinqtona qayıdarkən Avropa ölkələrində keçirilən etiraz aksiyaları ilə bağlı jurnalistin sualını cavablandırarkən deyib.
“Məni bu, narahat etmir. Bu, immiqrasiya problemidir. Onların çox ciddi problemi var. Onlar bunu çoxdan dayandırmalı idilər və mən onların hər birini tanıyıram”, – deyə ABŞ prezidenti bildirib.
Bundan əvvəl ABŞ prezidenti Avropa ölkələrinin dəyişməli və hər şeydən əvvəl immiqrasiya nəzarətini sərtləşdirməli olduğu fikrini bildirmişdi, əks halda onlardan "heç nə qalmayacaq".
