Qaziosmanpaşada Canan Ərdoğan (41) iki uşağını götürüb səki ilə evə gedərkən sürətlə gələn mikroavtobusu görüb. Son anda uşaqlarını kənara itələyən Ərdoğan mikroavtobusun altına düşüb. Ətrafdakılar tərəfindən mikroavtobusun altından çıxarılan Canan Ərdoğanı xəstəxanada xilas etmək mümkün olmayıb.
Yaxınlıqdakı bir müəssisədə işləyən Zahit Mahmut deyib: “Mikroavtobus yoldan çıxdı. Qadın və iki uşağı əks istiqamətdən gəlirdilər. Mikroavtobus bu əraziyə qədər gəlib birbaşa onların üstünə aşdı. Qadın altında qalmışdı. Uşaqlar sağ qaldı, amma qadın öldü. Onlar səkidə gəzirdilər. Nəqliyyat vasitəsi idarəetməni itirdi və sürətlə hərəkət edirdi; bu, mikroavtobusun günahı idi.”
Hadisə yerinə polis və tibbi qruplar göndərilib. Hadisə yerində ilkin tibbi yardım göstərildikdən sonra Ərdoğan xəstəxanaya aparılıb, lakin həkimlərin bütün səylərinə baxmayaraq, o, vəfat edib. Mikroavtobus sürücüsü polis tərəfindən saxlanılıb və qəza ilə bağlı araşdırma başlanıb.
ELBAR
