Austen fırtınası səbəbindən Belçikanın qərb və şimalındakı bəzi ərazilərdə “narıncı xəbərdarlıq” verilib. Həmçinin, Austen fırtınası səbəbindən Fransanın qərb və şimalındakı 15 əyalətdə narıncı xəbərdarlıq verildiyi bildirilib.
Tezadlar.az xəbər verir ki, Kral Belçika Meteorologiya İnstitutu (RMI) Şərqi və Qərbi Flandriya və Hainaut bölgələri üçün güclü külək xəbərdarlığı verib.
Məlumatda Austen fırtınası səbəbindən sabah günortadan axşama qədər bu üç bölgədə güclü küləklərin gözlənildiyi, buna görə də “narıncı xəbərdarlıq” verildiyi bildirilib.
Məlumatda saatda 100 kilometrə çatacağı gözlənilən küləyin genişmiqyaslı ziyana səbəb ola biləcəyi və nəqliyyata ciddi təsir göstərə biləcəyi qeyd edilib və ictimaiyyət “hakimiyyət orqanlarının təlimatlarına əməl etməyə” çağırılıb.
Məlumatda həmçinin ölkə daxilində güclü yağışın gözlənildiyi bəzi ərazilərdə potensial daşqınlar barədə xəbərdarlıq edilib.
FRANSA
Fransa meteorologiya agentliyi Meteo-France ölkənin Atlantik sahillərinə xüsusilə təsir edəcək güclü fırtına ilə bağlı xəbərdarlıq edib.
Saatda 140 kilometrə çata biləcək Osten fırtınası səbəbindən Luara-Atlantik, Nord, Pa-de-Kale, Somme, İvelines, Finistere və Val-d’Uaz da daxil olmaqla 15 əyalətdə narıncı xəbərdarlıq elan edilib.
Əvvəlcə ölkənin qərb və şimal hissələrinə təsir edən küləklər həftəsonuna yaxın daxili ərazilərə yayılaraq paytaxt Paris də daxil olmaqla İl-de-Frans bölgəsinə təsir edəcək.
Xüsusilə Bretan və Normandiya əyalətlərində güclü yağış gözlənilir.
ELBAR
