İddialara görə, ABŞ prezidenti Donald Trampa Mərkəzi Komandanlıq (CENTCOM) komandanı Bred Kuper tərəfindən İrana qarşı mümkün hücum variantları barədə məlumat verilib.
Tezadlar.az xəbər verir ki, “The Wall Street Journal” (WSJ) qəzetinin məlumatına görə, adı açıqlanmayan ABŞ rəsmiləri Ağ Evdə keçirilən görüşlə bağlı açıqlamalar veriblər.
Rəsmilər bildiriblər ki, ABŞ müdafiə naziri Pit Heqset və Birləşmiş Qərargah Rəisləri Komitəsinin sədri general Den Keyn də görüşdə iştirak ediblər. Görüşdə CENTCOM komandanı Kuperin Trampa İrana qarşı mümkün hücum variantları barədə şəxsən məlumat verdiyi iddia olunur.
WSJ hesabatında Kuperin Trampa şəxsən məlumat verməsinin “nadir” olduğu qeyd edilib və bunun ABŞ-ın “əhəmiyyətli hərbi hücumlara yaxınlaşdığına” işarə ola biləcəyi irəli sürülüb.
ABŞ senatoru potensial hücum planlarının “dəlilik” olduğunu söyləyib
ABŞ Demokrat senatoru Kris Merfi ABŞ-da yerləşən X şirkətinin sosial media hesabında verdiyi açıqlamada bildirib ki, o və bir qrup senator İrana qarşı potensial hücum planları barədə məlumatlandırılıblar və bu planlar “dəlilik”dir.
Murfi şərhində bildirib ki, “Bu, (gərginlik baxımından) dağıdıcı eskalasiyaya səbəb olacaq və çox güman ki, qanunun aliliyinə olan öhdəliyimizin məhv olmasına səbəb olacaq”.
ELBAR
