ABŞ-nin Kaliforniya ştatı Tropik Reyçel fırtınasının yaratdığı nəhəng dalğalar və şiddətli fırtınalar tərəfindən sarsılıb. Lonq Biçdə əsrlik tarixi sahil yolu okeana batıb.
Tezadlar.az xəbər verir ki, milyonlarla dollar dəyərində lüks villaların altındakı torpaq aşınıb.
OKEANDA BATAN TARİXİ SAHİL YOLU
Bir neçə metr hündürlükdə nəhəng dalğalar əsrlik piyada yolu okeana batıb və altındakı torpaq hərəkət etdikcə milyonlarla dollarlıq evlər uçuruma doğru sürüklənib…
Tropik Reyçel fırtınasının gətirdiyi nəhəng qabarma dalğaları səbəbindən ABŞ müharibə zonasına çevrilib.
EVLƏR ÜÇÜN QIRMIZI XƏBƏRDARLIQ
Ən böyük dağıntı Kaliforniya sahillərindəki Lonq Biçdə baş verib. Fırtınanın yaratdığı yüksək qabarmalar şəhərin əsrlik tarixi sahil yolunun onlarla metrini qopararaq okeana çəkib. Dalğaların ikinci mərtəbənin pəncərələrinə dəydiyi yarımadada 8 ev yaşana bilməyəcəyini göstərən “qırmızı etiket” alıb.
Evlər dərhal bağlanıb. Əraziyə nəqliyyat vasitələrinin və piyadaların girişi tamamilə qadağan edilib.
DAŞQIN XƏBƏRDARLIĞI ƏN YÜKSƏK SƏVİYYƏYƏ QALDIRILDI
Yanğınsöndürənlər qapı-qapı gəzərək sakinlərə 7000-dən çox qum kisəsi paylayıblar.
Milli Hava Xidməti Los-Anceles çimərlikləri üçün sahil daşqınları xəbərdarlığını ən yüksək səviyyəyə qaldırıb. Qeyd olunub ki, rekord səviyyə 2,4 metrə yaxınlaşdığı üçün təkcə yarımada deyil, bütün şəhər su altında qalmaq riski altındadır.
ELBAR
