BAKI, 13 oktyabr. TELEQRAF
Səudiyyə Ərəbistanının “Əl-Nəsr” klubu Asiya Çempionlar Liqasının ümumi mərhələsinin ikinci turunda Özbəkistanın “Neftçi” komandasını 3:1 hesabı ilə məğlub edib.
Teleqraf xəbər verir ki, Ər-Riyadda keçirilən qarşılaşmada Kriştiano Ronaldu peşəkar karyerasının 981-ci qoluna imza atıb.
Meydan sahiblərinin heyətində Anjelo 33-cü, Ronaldu isə 42-ci dəqiqədə fərqlənib. Qonaq komandanın yeganə qolunu 51-ci dəqiqədə Əlişir Odilov vurub.
65-ci dəqiqədə “Neftçi”nin yarımmüdafiəçisi İkram Əlibayev qırmızı vərəqə alaraq meydandan kənarlaşdırılıb. 78-ci dəqiqədə isə Özbəkistan təmsilçisinin futbolçusu topu öz qapısına göndərib.
Qeyd edək ki, Ər-Riyadda raket təhlükəsi elan olunduğuna görə qarşılaşma nəzərdə tutulan vaxtdan bir saat gec başlayıb.
Bu nəticə ilə “Əl-Nəsr” Asiya Çempionlar Liqasının cari mövsümündə ilk qələbəsini qazanıb. Komanda ilk turda Birləşmiş Ərəb Əmirliklərinin “Əl-Əyn” klubuna səfərdə 0:4 hesabı ilə məğlub olmuşdu.
Səudiyyə Ərəbistanının son çempionu növbəti oyununu oktyabrın 26-da BƏƏ-nin “Əl-Vəsl” komandasına qarşı keçirəcək.
