BAKI, 11 oktyabr. TELEQRAF
Azərbaycan Premyer Liqasının VII turuna yekun vurulub.
Teleqraf xəbər verir ki, turun son görüşündə “Turan Tovuz” və “Şəfa” komandaları qarşılaşıb.
“SOCAR Polymer Arena”da baş tutan görüş Tovuz təmsilçisinin 1:0 hesablı qələbəsi ilə başa çatıb.
Baş hakim Əli Əliyevin idarə etdiyi qarşılaşmada yeganə qolu Dieqo Bala vurub.
Bu nəticədən sonra Kurban Berdıyevin komandası 14 xalla turnir cədvəlinin dördüncü pilləsinə yüksəlib. Zaur Həşimovun kollektivi isə 3 xalla 11-ci pillədə qərarlaşıb.
Qeyd edək ki, bu gün baş tutan digər qarşılaşmada “Qarabağ” səfərdə “İmişli”ni 2:0 hesabı ilə məğlub edib. Daha əvvəlki görüşlərdə “Kəpəz” “Araz-Naxçıvan”ı (2:0), “Sumqayıt” isə “Qəbələ”ni (4:1) məğlub edib. “Neftçi” – “Sabah” matçı qolsuz bərabərliklə başa çatıb. “Zirə” – “Şamaxı” görüşündə isə 1:1 hesablı heç-heçə qeydə alınıb.
