Hizbullah İsraillə hərbi əməliyyatların yenidən başlaması ehtimalına qarşı son üç ay ərzində hazırlıq işləri aparıb.
SİA-nın əldə etdiyi məlumata görə, bu barədə “Reuters” Livan təhlükəsizlik orqanlarının təşkilatın fəaliyyəti barədə məlumatlı nümayəndələrinə istinadən xəbər yayıb.
Mənbələrin sözlərinə görə, təşkilat hərbi imkanlarını gücləndirmək üçün İrandan on milyonlarla dollar vəsait alıb.
Bildirilib ki, bu vəsait oktyabrın əvvəlində yayılan xəbərlərdə əks olunan və Hizbullaha İran tərəfindən ödənildiyi iddia olunan, livanlı ailələrə yardım məqsədilə nəzərdə tutulan 200 milyon dollarlıq məbləğdən ayrıdır.
