...Dörd ABŞ senatoru SpaceX-dən Ukrayna ordusu tərəfindən istifadə edilən Starlink və Starshield peyk sistemlərinin məhdudiyyətlərini izah etməsini tələb edib.
SİA-nın əldə etdiyi məlumata görə, bu barədə senatorlar Ceynn Şahin, Riçard Blumenthal, Şeldon Uaythaus və Kris Koons-un 19 oktyabr bazar ertəsi günü ABŞ Senatının Xarici Əlaqələr Komitəsinin saytında dərc olunmuş məktubunda deyilir.
SpaceX-in hüquqi məsələlər üzrə vitse-prezidenti Kristofer Kardaçiyə ünvanlanan məktubda senatorlar şirkətin Ukraynanın Starshield-ə çıxışının məhdudlaşdırılmasında iştirak edib-etməməsi və ölkədə Starlink-in fasiləsiz işləməsinin təmin edilməsindəki rolunun nə olduğu barədə aydınlıq gətirilməsini istəyirlər.
Qanunvericilər xatırladıblar ki, SpaceX-in baş direktoru Elon Mask əvvəllər Starshield sistemlərinin ABŞ hökumətinə məxsus olduğunu və nəzarət etdiyini, sürət və ya istifadə məhdudiyyətlərinin isə ABŞ ordusu, nəticədə ABŞ Prezidenti tərəfindən müəyyən edildiyini bildirib.
…Eyni zamanda, SpaceX müəyyən Starshield xidmətlərinin əsasını təşkil edən Starlink əsas şəbəkəsinə və infrastrukturuna sahibdir və onu idarə edir. Bu hallar SpaceX və ABŞ hökuməti tərəfindən saxlanılan müvafiq texniki, müqavilə və əməliyyat səlahiyyətləri, eləcə də SpaceX-in hərbi əməliyyatlar və ya milli təhlükəsizlik fövqəladə halları zamanı Starshield və ya Starlink xidmətlərinə girişi məhdudlaşdırmaq qabiliyyəti ilə bağlı vacib suallar doğurur, - deyə senatorlar qeyd ediblər.
14 oktyabr səhəri Starlink sürət məhdudiyyəti ilə bağlı xəbər yayıldı və bu da bir neçə vacib hərbi missiyanı pozdu.
Bu, Ukrayna ordusu tərəfindən istifadə edilən Starshield paketinə aiddir. Hərbi rəsmilər və ekspertlər rabitənin kəsilməsi və tutucu dronların işinə mümkün müdaxilə barədə məlumat verdilər.
Daha sonra Müdafiə Nazirliyindəki NV mənbəyi təsdiqlədi ki, rabitə saatda 160 km-dən yuxarı sürətlə məhdudlaşır.
Əli Babayev
