ABŞ Prezidenti Donald Tramp Braziliyada keçirilən prezident seçkilərinin saxtalaşdırıldığını iddia etsə də, fikrini təsdiqləyən heç bir sübut təqdim etməyib.
Sfera.az xəbər verir ki, Tramp bazar ertəsi jurnalistlərə açıqlamasında seçkilərin “saxtalaşdırılmış” olduğunu bildirib.
Braziliyada solçu Prezident Luiz İnasio Lula da Silva sağçı namizəd Flavio Bolsonaronu məğlub edib. Məğlubiyyətdən sonra Bolsonaro əvvəlcə seçkinin nəticələrini tanımaqdan imtina edib və seçkilərin ləğvini tələb edib. Daha sonra isə müxalifəti təşkil edəcəyini açıqlayıb.
Flavio Bolsonaro sosial şəbəkədə paylaşdığı videoda ölkədən çıxışına qadağa qoyulduğunu bildirib. O, həmçinin pasportlarını təhvil verməsi barədə ona bildiriş göndərildiyini deyib.
Həmçinin, Tramp administrasiyası Cənubi Amerikada sağçı namizədlərin son dövrlərdə qazandığı seçki qələbələrini müsbət qarşılayıb. ABŞ Prezidenti ötən həftə regionda siyasi meyillərin sola doğru dəyişdiyini, lakin hazırda vəziyyətin dəyişdiyini bildirib. O, dəstəklədiyi namizədlərin hamısının seçkilərdə qalib gəldiyini də vurğulayıb.
İradə Elsevər
