Nigeriyada tanınmış aktrisa Teniya Abraham vəfat edib.
Sfera.az xəbər verir ki, bu barədə “Legit News” məlumat yayıb.
Oktyabrın 13-də Abrahamın böyrəkləri fəaliyyətini dayandırıb. Həkimlər onun həyatını xilas edə bilməyiblər. Bu xəbər aktrisanın yaxınları və çoxsaylı pərəstişkarları üçün şok olub. Abrahamın böyrək problemlərindən müalicə olunduğu məlum idi, lakin heç kim xəstəliyin ölümcül ola biləcəyini ehtimal etmirdi.
Aktrisa Nigeriya kinosunun gənc ulduzlarından biri idi. O, filmlərdə və teleseriallarda canlandırdığı parlaq və enerjili rollarla tamaşaçıların yaddaşında qalıb. Bundan əlavə, Abraham moda aləmində də tanınırdı və 2020-ci ildə “Queen of South South Nigeria” gözəllik müsabiqəsinin qalibi olub.
Fənatlar və onun kino sənayesindəki həmkarları qızın ailəsinə başsağlığı veriblər. Çoxları Abrahamın itkisinin Nigeriya kinosu üçün ağır bir zərbə olduğunu bildiriblər.
