ABŞ prezidenti Donald Tramp Ukraynadakı münaqişənin başlanması səbəblərindən biri kimi keçmiş ABŞ prezidenti Co Baydenin Rusiyaya münasibətini göstərib.
Publika.az xəbər verir ki, Tramp bunu "Gray Media" televiziya şirkətinə verdiyi müsahibədə bildirib.
"Bilirsiniz, bu müharibənin başlamasının səbəblərindən biri Baydenin nə etdiyini həqiqətən başa düşmədən Rusiyanı və hər kəsi lağa qoyması idi", - deyə o bildirib.
Onun sözlərinə görə, Ukraynadakı münaqişə heç vaxt başlamamalı idi. O, həmçinin qeyd edib ki, əgər o vaxt prezident olsaydı, vəziyyət bu cür inkişaf etməzdi.
Müəllif: Tural
