Polşanın baş naziri Donald Tusk diktator olduğunu nümayiş etdirib.
Publika.az xəbər verir ki, bunu Polşa prezidenti Karol Navrotskinin mətbuat katibi Rafal Leskeviç "RMF24"ə açıqlamasında bildirib.
“Cümə günü Donald Tusk diktator olduğunu göstərdi. O, polis dəyənəklərinin köməyi ilə Konstitusiya Məhkəməsinə daxil oldu”, - deyə Leskeviç vurğulayıb.
O, Polşadakı siyasi böhranı hərbi vəziyyətin tətbiqi ilə müqayisə edib. Bildirib ki, hazırkı vəziyyətin yeganə fərqi küçələrdə tankların olmamasıdır.
Qeyd edək ki, oktyabrın 31-də Tusk Navrotski və ölkənin sabiq prezidenti Andjey Dudanı Polşada qanunun aliliyini məhv etməkdə ittiham edib. O, Konstitusiya Məhkəməsi ətrafında yaranmış böhranla bağlı məsələdə güzəştə getməyəcəyini vurğulayıb.
Müəllif: Adəm
