Kreml ABŞ-da keçirilən aralıq seçkilərin nəticələrinin Donald Trampın Ukraynada sülhün təmin olunması istiqamətindəki səylərinə təsir etməyəcəyinə ümid edir.
Publika.az xəbər verir ki, bunu Kremlin mətbuat katibi Dmitri Peskov ABŞ-da keçirilən aralıq seçkilərin nəticələrini şərh edərkən bildirib.
Peskovun sözlərinə görə, ABŞ prezidenti Donald Tramp vəzifəsinin icrasını davam etdirir və Moskva onun sülh səylərini davam etdirməsinin tərəfdarıdır.
Konqresin yeni tərkibinin Trampın səylərinə mane olub-olmayacağı ilə bağlı suala Peskov belə cavab verib: “Bu, Amerikanın daxili məsələsidir”.
Kremlin sözçüsü həmçinin Ukrayna məsələsi ilə bağlı üçtərəfli danışıqların növbəti mərhələsinin yaxın zamanda keçiriləcəyini qeyd edib.
Müəllif: Roza
