Kanadanın Alberta əyalətində yerləşən Ueynrayt Kanada Silahlı Qüvvələrinin bazasında güclü yanğın baş verib.
Publika.az xəbər verir ki, bu barədə ölkənin baş naziri Mark Karni "X" sosial şəbəkəsindəki hesabında məlumat verib.
“Alberta əyalətindəki Ueynrayt Kanada Silahlı Qüvvələrinin bazasında böyük yanğına səbəb olan ciddi insident baş verib”, - deyə o yazıb.
Qeyd olunub ki, insident nəticəsində xəsarət alanlar var, lakin onların dəqiq sayı məlum deyil. Baş nazir Karni həmçinin ölkə hökumətinin Alberta əyalətinin rəhbərliyi ilə əlaqə saxladığını bildirib. Yanğının başvermə səbəbləri hələlik məlum deyil.
Hüseyn İbadlı
