Vaşinqtonun sanksiyaları səbəbindən İran hətta ordusunu maliyyələşdirə bilmir.
Publika.az xəbər verir ki, bunu ABŞ Maliyyə Naziri Skott Bessent bildirib.
Bessent sosial mediada yazıb: "İqtisadi fırıldaq” əməliyyatı çərçivəsində İran rejiminin pulu tükənir və onun əlaltıları təzyiq altındadır. Tehran vəsait köçürməkdə çətinlik çəkir, İİKK isə bildirilir ki, qoşunlarına pul ödəyə bilmir".
O əlavə edib ki, ABŞ sanksiyaları ilə Tehranı husilər, HƏMAS və “Hizbullah”ı maliyyələşdirmək imkanından da məhrum edir.
Bessent vurğulayıb ki, "Tehranın terror kampaniyasını maliyyələşdirməyə davam etməsinə icazə verməyəcəyik".
İran illərdir ABŞ-ın iqtisadi sanksiyaları altındadır. Avqust ayında Vaşinqton Tehranı maliyyə cəhətdən daha da təcrid etmək və bununla da ABŞ-la münaqişəsində geri çəkilməyə məcbur etmək üçün yeni təcrid əməliyyatına başladı.
Müəllif: Tural
